Hyrja e Luiz Ejllit në “Big Brother VIP Albania 5” është zyrtarizuar, pas konfirmimeve nga moderatori Ledion Liço dhe producentja Sara Hoxha.

Pas publikimit të videos ku Luizi shfaqej në dhomën e rrëfimit, Ledion Liço e shpërndau momentin në profilin e tij zyrtar në Instagram, duke konfirmuar rikthimin e fituesit të BBV2.

Sara Hoxha, nga ana tjetër, përmes Instastory-t të saj, rishpërndau videon virale me mbishkrimin në anglisht: “Someone’s back tomorrow” (Dikush rikthehet nesër), duke zbuluar edhe momentin kohor të rikthimit.

Me këtë konfirmim të dyfishtë, Luizi pritet të hyjë nesër mbrëma në shtëpinë më të famshme në Shqipëri, i gatshëm të trazojë ujërat dhe të deklarojë: “Tani luftohet vetëm për vendin e dytë.”