Një ngjarje e dhunshme ka tronditur qytetin e Pylosit në Greqi, ku një 25-vjeçar shqiptar u arrestua pasditen e 7 shkurtit, pasi dyshohet se sulmoi një berber dhe dëmtuar automjetin e tij.

Sipas policisë greke, i riu kishte shkuar fillimisht si klient në berberhanen e pronarit 51-vjeçar dhe ishte qethur normalisht. Por më pas, për arsye ende të paqarta, ai u rikthye i pajisur me një shkop metalik të palosshëm, duke e ofenduar dhe më pas goditur berberin, i cili pësoi lëndime trupore.

Autoritetet njoftuan gjithashtu se 25-vjeçari ka dëmtuar makinën e pronarit gjatë incidentit. Ngjarja vijon të hetohet nga policia greke.