Pas protestës së djeshme të opozitës, e cila përfundoi me 16 efektivë të lënduar dhe 21 të arrestuar, pedagogia Arseida Gjyli komentoi situatën në një studio televizive. Ajo theksoi se përfshirja e fëmijëve dhe adoleshentëve në tubime politike përbën një precedent të rrezikshëm dhe është përdorur në mënyrë të organizuar.
“Është një fakt shumë i rëndë për shoqërinë shqiptare përdorimi i fëmijëve dhe adoleshentëve në protesta. Ata janë nxitur të kalojnë kangjellat dhe mbrojtjet e policisë, duke rrezikuar jetën e tyre,” tha Gjyli.
Ajo shtoi se retorika e përdorur nga PD nuk frymëzon pjesëmarrje dhe nuk prodhon rezultatet e pritura. Sipas saj, liderët politikë duhet të dalin vetë në front të tubimeve, pa instrumentalizuar të miturit, dhe aktet e dhunës duhet të merren seriozisht për të mos cenuar jetën e qytetarëve.
