Presidentja e Komisionit Evropian, Ursula von der Leyen, paralajmëroi se Evropa duhet të eliminojë pengesat e brendshme për të forcuar konkurrueshmërinë dhe për t’u bërë një “gjigant global i vërtetë”.

Duke folur para Parlamentit Evropian, një ditë para samitit, von der Leyen vuri theksin mbi fragmentimin e sektorit financiar dhe nevojën për integrim më të madh ekonomik. Ajo theksoi se bizneset kanë nevojë për kapital menjëherë dhe se Bashkimi Evropian duhet të përfundojë tregun e vetëm, duke hequr çdo pengesë që kufizon aktivitetin ekonomik.

Presidentja e Komisionit kërkoi gjithashtu përparim në marrëveshjet e tregtisë së lirë dhe thjeshtimin e rregulloreve, për të çliruar potencialin e rritjes ekonomike të rajonit.