Lëvizjet e fundit në shtëpinë e ‘Big Brother VIP Albania’ kanë krijuar situata sa romantike, aq edhe komike. Pas kalimit të Gimbos në shtëpi, “shpeila” ka mbetur vendi i komunikimit përmes derës, ku nuk kanë munguar batutat thumbuese mes banorëve.
Që prej mbrëmjes së djeshme, dinamika e lojës ka ndryshuar për Gimbon, i cili la ambientet e izolimit për t’u bashkuar me pjesën tjetër të shtëpisë. Megjithatë, lidhja e tij me Selin, e cila ndodhet ende matanë derës së “shpellës”, mbetet po aq e fortë. Ditën e sotme, dyshja ka shkëmbyer fjalë dashurie e batuta, por prania e Mateos e ka “nxehur” paksa situatën.
“Nxehet” situata te dera e shpellës
Gimbo nuk ka ngurruar të ngacmojë Selin dhe Mateon që ndodheshin bashkë, duke lënë të kuptohet se vëmendja e tij është e gjitha te ajo që po ndodh brenda izolimit.
Pjesë nga dialogu mes banorëve:
• Gimbo: Kjo domethënë se këtu është nxehur puna!
• Gimbo: Si po duket ky gishti im?
• Selin: Po duket shumë keq, kështu që unë po e fsheh që të mos e shikojë njeri.
Incidenti me kafen dhe “mallkimi” i Gimbos
Një shaka e Selin ka përfshirë edhe Mateon në debat, duke shkaktuar të qeshura por edhe reagime epike nga ana e Gimbos. Kur Selin pretendoi se Mateo i kishte derdhur kafen, Gimbo “shpërtheu” në një urim tipik:
Selin: Iiii ma derdhi Mateo kafen!
Gimbo: O Mateo, Zoti ta ktheftë!
Selin (duke qeshur): Bëj shaka se nuk e derdhi.
Mateo: A përmendet Zoti për derdhje kafeje?
Gimbo: Zoti ta ktheftë! Siç ke derdhë ti kafen, ashtu tu derdhtë dhe ty!
