Pas shumë aludimeve dhe spekulimeve, më në fund ka ardhur konfirmimi nga çifti i shumëpërfolur. Reperi i njohur Capital T ka publikuar për herë të parë një foto me partneren e tij, modelen Adrola Dushi.

Imazhi romantik, i realizuar në mes të qytetit nën dritat e natës, i shfaq të dy shumë pranë njëri-tjetrit dhe të buzëqeshur, duke reflektuar harmoni dhe afërsi.

Krahas fotos, artisti ka zgjedhur një përshkrim domethënës: “I don’t speak much about what matters. I just hold it close.” Një fjali që lë të kuptohet se ai ka preferuar ta mbajë këtë histori larg vëmendjes publike deri tani.

Prej kohësh qarkullonin zëra për një lidhje mes dyshes, por asnjëri nuk kishte bërë një deklaratë të drejtpërdrejtë. Postimi i fundit po shihet nga fansat si konfirmimi zyrtar i romancës së tyre.