Ambasada e Kosovë në Uashington DC njoftoi se kryetarja e kryeqendrës amerikane, Muriel Bowser, ka vendosur që 17 shkurt të shënohet si ditë zyrtare për pavarësinë e Kosovës.

Në vendimin e saj, Bowser thekson se kjo vendimmarrje vjen pas “përparimit të madh që Kosova ka shënuar për mbrojtjen e ligjit, të drejtave të njeriut dhe forcimin e pozitës ndërkombëtare që nga viti 2008.”

Ambasada e Kosovës falënderoi kryetaren përmes një reagimi në ‘X’:

“Faleminderit kryetarja Bowser që njohët zyrtarisht 17 shkurtin si Ditën e Pavarësisë së Kosovës në Uashington, D.C.”

Ky vendim vlerëson edhe rolin e komunitetit shqiptaro-amerikan dhe lidhjet e forta ndërmjet Kosovës dhe Shteteve të Bashkuara, duke njohur kontributin e tyre në promovimin e vlerave demokratike dhe bashkëpunimin afatgjatë.