Reperi i njohur Getinjo nga Ferizaj ka tërhequr vëmendjen e ndjekësve pas disa pamjeve të shpërndara në rrjetet sociale, ku duket i shoqëruar nga policia në një aeroport.

Videoja, e postuar në profilin e tij në Instagram, ka nxitur menjëherë reagime dhe spekulime mes fansave, të cilët kërkojnë një shpjegim për situatën. Në pamje, reperi duket i qetë dhe i marrë me sportivitet, ndërsa në sfond dëgjohet kënga “P9”, bashkëpunimi i tij me Mozzik, gjë që shton përshtypjen se nuk ka pasur tension të dukshëm.

Deri më tani nuk ka asnjë deklaratë zyrtare nga reperi apo autoritetet lidhur me shkaqet e shoqërimit. Nuk është e qartë nëse bëhet fjalë për kontroll rutinë, verifikim dokumentesh apo ndonjë procedurë tjetër sigurie, por pamjet kanë nxitur menjëherë spekulime dhe komente në rrjetet sociale.