Presidenti i Shteteve të Bashkuara, Donald Trump, deklaroi se Këshilli i Paqes do të bashkëveprojë me United Nations në rrethana të caktuara.

Komentet u bënë gjatë një fluturimi nga Florida drejt Uashingtonit, ku kreu i Shtëpisë së Bardhë theksoi se organizata ndërkombëtare mund të ofrojë ndihmë në çështje specifike. “Mendoj se OKB-ja mund të na ndihmojë pak. Udhëheqësit më të mëdhenj të botës po i bashkohen Këshillit të Paqes dhe ne do të punojmë me OKB-në për raste specifike”, u shpreh ai, pa dhënë detaje të mëtejshme mbi fushat konkrete të bashkëpunimit.

Nga ana tjetër, zëdhënësi i Sekretarit të Përgjithshëm të OKB-së, Stephane Dujarric, bëri të ditur se organizata nuk ka marrë ftesë për të marrë pjesë në takimin e planifikuar të Këshillit të Paqes, që pritet të mbahet në Uashington më 19 shkurt.

Dujarric shtoi se OKB-ja synon të koordinojë aktivitetet e saj me Këshillin e Paqes përmes Zëvendës Koordinatorit Special për Lindjen e Mesme, Ramiz Alakbarov.