Atletët nga Rusia dhe Bjellorusia do të kthehen të garojnë me të drejta të plota në Lojrat Dimërore Paraolimpike 2026 në Milano-Cortina, që zhvillohen nga 6 deri më 15 mars, pas pezullimit që kishte nisur në vitin 2022 për shkak të agresionit në Ukrainë.

Që nga atëherë, sportistët e dy shteteve kishin garuar nën flamur neutral të Komitetit Olimpik Ndërkombëtar, pa simbole dhe himnin kombëtar. Vendimi i fundit ndryshon këtë, edhe pse do të ketë kufizime: 6 atletë rusë dhe 4 bjellorusë do të përfaqësojnë vendet e tyre me simbolet kombëtare.

Ky rikthim ka shkaktuar polemika të shumta, sidomos në Ukrainë, ku Komiteti Olimpik ka reaguar me ashpërsi. Zemërimi i tyre është shtuar pas pezullimit të atletit ukrainas Vladyslav Heraskevych në Lojrat Olimpike Dimërore, për shkak të helmetës së tij që nderonte kolegët e humbur gjatë agresionit rus.

Vendimi i Komitetit Ndërkombëtar Paraolimpik pritet të nxisë debate të mëtejshme ndërkombëtare për pjesëmarrjen dhe simbolikën e sportistëve rusë dhe bjellorusë në kompeticionet globale.