Një aksident i rëndë ka ndodhur mbrëmjen e sotme në autostradën Lushnjë-Fier, në afërsi të fshatit Rrapëz, ku një person humbi jetën pas përplasjes me një mjet taksi.

Sipas raportimeve, viktima, ende e paidentifikuar dhe mashkull, po tentonte të kalonte autostradën kur u godit nga automjeti, duke humbur jetën menjëherë në vendngjarje.

Policia e qarkullimit shkuar menjëherë në vendin e aksidentit për të disiplinuar trafikun dhe për të kryer procedurat hetimore. Ambulanca ishte në pritje për të transportuar viktimën në morg.

Autoritetet vijojnë hetimet për të përcaktuar rrethanat dhe dinamikën e plotë të ngjarjes, ndërsa qytetarët u bëjnë thirrje shoferëve dhe këmbësorëve për kujdes maksimal gjatë qarkullimit në autostrada.