Markelian Hoti, 27 vjeç, vëllai i deputetes demokrate Elda Hoti, është arrestuar në periferi të Rome në zbatim të një urdhër-arresti europian për trafik ndërkombëtar droge.

Sipas burimeve zyrtare, Hoti dyshohet si pjesë e një organizate kriminale që trafikonte kokainë nga Amerika e Jugut drejt Europës, me pikë hyrëse Porti i Anversës.

Arrestimi është kryer në kuadër të një operacioni të koordinuar nga Interpol, ndërsa autoritetet po vijojnë procedurat për ekstradimin e tij drejt Belgjikës, ku pritet të përballet me drejtësinë.

Hetimet ndërkombëtare për rrjetin e dyshuar të trafikut të drogës vijojnë, ndërsa autoritetet nuk kanë dhënë detaje të mëtejshme mbi rolin e saktë të 27-vjeçarit në organizatë.