Pas përjashtimit të papritur të Kristi Lamajt nga “Big Brother VIP Albania”, banorja Krusita, me të cilën ai kishte krijuar një lidhje të ngushtë brenda shtëpisë, ka reaguar për herë të parë publikisht. Në një postim në rrjetet sociale, ajo shkroi thjesht: “Pse, kur dhe si”, duke shfaqur tronditjen dhe paqartësinë ndaj vendimit të produksionit.

Vendimi për përjashtimin e Kristit u bë zyrtar gjatë mëngjesit të sotëm përmes një Zarfi të Zi, të lexuar nga banorja Brikena. Në mesazhin zyrtar thuhej: “Banorë, Vëllai i Madh ju njofton se Kristi Lamaj është përjashtuar përfundimisht nga gara. Televotimi aktual anulohet.”

Përjashtimi vjen pas disa situatash të diskutueshme gjatë qëndrimit të tij në reality show, përfshirë incidentin e javës së kaluar kur ai kaloi murin rrethues dhe u largua përkohësisht, para se të rikthehej në garë. Megjithatë, produksioni ka vendosur të japë fund pjesëmarrjes së tij, duke hapur sfida të reja në dinamikën mes banorëve.