Tensione të forta janë shënuar gjatë protestës, ku sipas raportimeve nga terreni, janë hedhur mjete ndezëse në drejtim të Xhamisë së Namazgjasë.

Ngjarja ka shkaktuar shqetësim mes besimtarëve që ndodheshin brenda objektit të kultit në momentin e incidentit. Si pasojë e situatës, ceremonia fetare është ndërprerë dhe të pranishmit kanë dalë jashtë për arsye sigurie.

Një besimtare, e prekur nga ajo që ndodhi, u shpreh: “Të bëjnë çfarë të duan, por jo të paktën këtu te xhamia. Kanë dalë të gjithë, e ndaluan namazin edhe dolën.”

Deri tani nuk ka një reagim zyrtar mbi dëmet e mundshme apo personat e lënduar, ndërsa pritet që autoritetet të sqarojnë rrethanat e plota të incidentit. Situata mbetet e tensionuar në zonë.