Gjatë demonstratës së zhvilluar së fundmi, janë dëgjuar edhe shpërthime, ndërsa protestuesit kanë kërkuar dorëheqjen e kryeministrit Edi Rama, raporton The Canadian Press.

Sipas medias kanadeze, protesta u zhvillua në një klimë tensioni, ndërsa turmat shprehën pakënaqësi ndaj qeverisë dhe kërkuan largimin e kreut të ekzekutivit.

Ndërkohë, qeveria e Ramës është përballur me presion të shtuar pas akuzave për korrupsion që përfshijnë zëvendëskryeministren dhe njëherazi ministren e Energjisë dhe Infrastrukturës, Belinda Balluku.

Prokurorët kundër korrupsionit e kanë akuzuar Ballukun për ndërhyrje në procedura prokurimi publik lidhur me projekte ndërtimi, me qëllim favorizimin e disa kompanive private. Ata kanë kërkuar gjithashtu heqjen e imunitetit të saj, për t’i hapur rrugë vijimit të hetimeve.

Deri më tani, nuk ka një reagim zyrtar të detajuar nga zyrtarët e përfshirë lidhur me zhvillimet e fundit.