Një ngjarje e rëndë tronditi qytetin e Santa Vittoria d’Alba, ku një 25-vjeçar shqiptar u gjet i pajetë nga një shofer kalimtar, i cili menjëherë njoftoi autoritetet.

Mediat italiane raportojnë se, edhe pse policia nuk e ka konfirmuar zyrtarisht, viktima dyshohet të jetë qëlluar me armë në kokë. Trupi u gjet pjesërisht i mbuluar me rërë. Sipas informacioneve, shqiptari jetonte prej kohësh në zonën e Alba dhe nuk kishte precedentë penalë.

Trupi është dërguar në morgun e spitalit Verduno për ekzaminim të mëtejshëm, ndërsa Zyra e Prokurorit Publik të Astit ka nisur hetimet. Karabinierët dhe njësia hetimore e komandës krahinore të Cuneos po punojnë nën drejtimin e prokurores Sara Paterno për zbardhjen e rrethanave të kësaj ngjarjeje.