Një 26-vjeçar shqiptar është arrestuar nga karabinierët italianë ndërsa po shiste një dozë kokaine në qendër të Bastia Umbras. I riu, i cili kishte mbërritur në Itali si turist dhe qëndronte në një hotel në Umbria, u kap në flagrancë dhe u dërgua në qelitë e paraburgimit.
Gjatë kontrollit në dhomën e tij të hotelit, autoritetet gjetën edhe 46 qese të vogla me kokainë, me një peshë totale prej 32 gramësh. Pas vlerësimit të arrestimit, gjykatësi i Gjykatës së Perugia urdhëroi ndalimin e qëndrimit të tij në rajon, ndërkohë që hetimet mbi rastin vijojnë.
