Erisa Xhixho, përmes një postimi në Facebook, shprehu shqetësimin e thellë për gjendjen e qytetarëve në Juglindjen e Shqipërisë, duke akuzuar papërgjegjshmërinë, korrupsionin dhe degradimin e infrastrukturës rrugore.

“Pas helmimit me gaz kimik të protestuesve paqësorë dhe besimtarëve brenda në xhami, sot Rilindja ka bërë gjëmën e radhës. Mijëra qytetarë janë braktisur rrugëve të Juglindjes së vendit, në rrugë të lëna pas, në radhë kilometrike dhe orë të tëra. Aty ka njerëz të sëmurë, fëmijë, të moshuar dhe biznese që kanë pësuar humbje të mëdha. Edi Rama dhe Rilindja kanë kaluar çdo vijë të kuqe morali dhe përgjegjshmërie,” shkroi Xhixho.

Ajo theksoi se situata pasqyron paaftësinë dhe korrupsionin që kanë çuar në degradimin e rrugëve ekzistuese dhe bëri thirrje për solidaritet me qytetarët e bllokuar, duke dënuar me ashpërsi menaxhimin e qeverisë.