Policia e Bulqizës ka finalizuar operacionin e koduar “Loja e fundit”, duke arrestuar Dorjan Myftar-in, 37 vjeç, administrator i një lokali-bar kafe, i cili dyshohet se përdorej për lojëra të paligjshme të fatit.

Gjatë kontrollit, efektivët sekuestruan 3 makina lojërash fati, 1 kompjuter dhe 1 printer që shërbenin për lojën bingo. Myftari u arrestua për veprat penale “Organizimi i llotarive të palejuara” dhe “Vënia në dispozicion e lokaleve për lojra të palejuara”.

Materialet procedurale janë referuar në Prokurorinë Dibër për veprime të mëtejshme.