Kreu i Partisë Demokratike, Sali Berisha, u paraqit sot në Prokurorinë e Posaçme Kundër Korrupsionit dhe Krimit të Organizuar (SPAK) në zbatim të masës së sigurisë “Detyrim Paraqitje”.
Në një prononcim për mediat, Berisha kritikoi ashpër Belinda Balluku, duke thënë se ajo nuk do të paraqitet në SPAK, pasi sipas tij, “do të marrë me vete edhe kryeministrin Edi Rama”.
“Lubia nuk vjen këtu, kërkon Ramën me vete, dhe ia ka bërë të qartë edhe Lindës së Surrelit se do t’i marrë me rrecka. Të dyve ua ka bërë të qartë, sepse dyshimi i grave është i pa kufijshëm”, deklaroi Berisha, duke iu referuar një ndodhi të brendshme politike me nota kritike ndaj qeverisë aktuale.
Ky zhvillim vjen në një kohë kur SPAK ka intensifikuar hetimet ndaj funksionarëve të lartë shtetërorë dhe drejtuesve politikë, ndërsa pritet që aktiviteti i kryedemokratit të sjellë reagime të tjera në skenën politike shqiptare.
