Deputetja e Partisë Socialiste, Ledina Alolli, ngriti në Kuvend shqetësimin për shembjen e aksit rrugor Librazhd-Prrenjas, duke paralajmëruar pasojat serioze që kjo ka sjellë për jug-lindjen e vendit. Sipas Alollit, rruga kryesore ka çuar në izolimin e banorëve dhe ka shkaktuar dëm të madh ekonomik për rajonin.

“Në këto momente e gjithë juglindja e vendit është e bllokuar. Banorët janë të izoluar, ndërsa arteria kryesore e zonës ka ndaluar qarkullimin normal. Kjo ka krijuar probleme të mëdha për Korçën dhe disa bashki të tjera, duke ndikuar negativisht në ekonominë lokale. Normaliteti i jetës së banorëve është përmbysur dhe humbjet janë të konsiderueshme, sidomos për bizneset dhe sektorin e turizmit,” tha Alolli.

Deputetja akuzoi gjithashtu korrupsionin dhe shkeljet e standardeve teknike si shkak të shembjes, duke shtuar se ekspertët flasin për shkelje të rënda dhe dëmtime të infrastrukturës që nuk janë rezultat i fenomeneve natyrore.

“Ekspertët flasin për shkelje të rënda teknike dhe standarde të cënuara. Bizneset lokale po përballen me kosto të rritura, ndërsa sektori i turizmit po humb shumë,” përfundoi Alolli, duke kërkuar masa të menjëhershme për zgjidhjen e situatës.