Mitrovica është tronditur nga humbja e dy të rinjve, Fidan Peci, 27 vjeç, dhe Ardian Avdyli, 21 vjeç, të cilët kanë humbur jetën në një aksident të rëndë trafiku në Itali.

Lajmin e bëri të ditur kryetari i Komunës së Mitrovicës, Faton Peci, përmes një postimi në Facebook:

“Me pikëllim të thellë mora lajmin për humbjen tragjike të dy të rinjve mitrovicas, Fidan Peci dhe Ardian Avdyli, të cilët humbën jetën në një aksident të rëndë trafiku në Itali. Në këto momente të rënda, jemi pranë jush me mendje dhe zemër, duke ndarë dhimbjen dhe lutjet tona për shpirtin e tyre,” shkroi ai.

Ngjarja ka shkaktuar dhimbje të thellë në komunitetin e Mitrovicës dhe ka hapur reagime solidariteti nga familjarë, miq dhe autoritetet lokale.