Një përplasje e fortë është regjistruar së fundmi në shtëpinë e “Big Brother VIP Albania”, mes Mateo Borrit dhe Rogert Sterkajt, duke nxitur reagime edhe jashtë shtëpisë.
Ish-banorja Xheneta Fetahu ka reaguar publikisht lidhur me situatën, duke dënuar gjuhën e përdorur gjatë debatit.
“Kjo nuk ishte lojë. Me përmend motrën e dikujt me atë gjuhë është niveli më i ulët, jo strategji”, ka shkruar ajo.
Në vijim, Fetahu theksoi se përfshirja e familjarëve në debate tejkalon kufijtë e lojës: “Kur prek dinjitetin e një femre që s’është pjesë e lojës, ke kaluar çdo vijë. Çudi si s’pati reagim nga VIP-at jashtë e t’i japin zë kësaj çështje”.
Ajo shprehu gjithashtu vlerësim për qëndrimin e Mateos gjatë situatës: “Respekt për Mateon që u përmbajt”.
Mbetet për t’u parë nëse “Vëllai i Madh” do të marrë ndonjë masë disiplinore ndaj Rogert Sterkajt pas këtij debati.
