Gjykata e Posaçme ka mbyllur sot fazën e vendimmarrjes për të pandehurit që pranuan gjykimin e shkurtuar në dosjen e njohur si “Sterilizimi”.

Mes të dënuarve janë ish-zv.ministri i Shëndetësisë, Klodian Rrjepaj, dhe biznesmeni Ilir Rrapaj, përfaqësues i kompanisë koncesionare, të cilët fillimisht u dënuan me 6 vite burg, por për shkak të gjykimit të shkurtuar dënimi u ul në 4 vite.

Ndërsa Marsela Serjani u dënuar me 3 vite e 6 muaj, që u ul në 2 vite burg, me heqjen e masës “arrest në shtëpi” për kohën e kaluar në këtë masë sigurie.

Vendimet për të tjerët:
• Petrit Mersini – shërbim prove, hiqet detyrimi për paraqitje;
• Arben Gjata – shërbim prove;
• Genc Byrazeri – 80 orë punë në interes publik;
• Naile Ajazi – shërbim prove.

Çështja ndaj ish-ministrit të Shëndetësisë, Ilir Beqaj, vijon me procedurë të zakonshme dhe nuk ishte pjesë e vendimmarrjes së sotme.

Ky vendim përfundon për të pandehurit që pranuan gjykimin e shkurtuar, ndërsa procesi për të akuzuarit e tjerë do të vazhdojë veçmas.