Zëdhënësja e Partisë Demokratike, Floriana Garo, ka reaguar ashpër pas incidentit në sallën e Kuvendit, ku kryetari i grupit parlamentar të Partisë Socialiste, Taulant Balla, ironizoi deputeten Albana Vokshi.

“T’i thuash një gruaje, një nëne, në sallën e Parlamentit, se për të ka një numër telefoni 0900… është një akt që nuk ofendon vetëm një deputete të opozitës. Ai cenon dinjitetin e gruas shqiptare dhe degradon nivelin e debatit publik në vend,” shkruan Garo në reagimin e saj.

Reagimi i Garo thekson rëndësinë e respektit në komunikimin parlamentar dhe vlerën e dinjitetit të grave në politikë, duke kërkuar që debati publik të mbahet brenda normave etike dhe respektit institucional.