Mbrëmjen e sotme në shtëpinë e Big Brother VIP Albania u zhvillua një nga traditat më të njohura të formatit, ceremonia simbolike e dasmës. Nuse dhe dhëndër këtë herë ishin banorët Selin dhe DJ Gimbo.

Pas momentit kur i thanë “po” njëri-tjetrit, Selin mbajti një fjalim emocional për Gimbon, duke treguar se kjo ishte një ëndërr që e kishte imagjinuar prej kohësh.

“Gimbo, njësoj si çdo vajzë, dukja ime sot qëndronte në sirtarin e ëndrrave të mia, e të gjesh dy prej tyre në të njëjtin vend nuk e kisha menduar asnjëherë”, u shpreh ajo.

Selin kujtoi edhe momentin kur Gimbo u bë pjesë e shtëpisë së BBV, duke e konsideruar atë një pikënisje të veçantë për marrëdhënien e tyre.

“Edhe pse të gjithë e lexuan si injorim, për mua ishte premtimi i heshtur më i bukur dhe po, ‘I got your back and you got my back’”, tha ajo.

Në fund të fjalimit, Selin premtoi publikisht se do të mbetet e njëjta si në fillim të njohjes së tyre.

“Sot premtoj përpara gjithë shqiptarëve që zonja nuse do të jetë imperfekte dhe po aq e çmendur sa dita e parë që e ke njohur”, deklaroi ajo, duke e mbyllur me një urim për një rrugëtim të gjatë dhe plot aventura bashkë me Gimbon.