Deputeti i Partisë Partia Republikane e Shqipërisë, Fatmir Mediu, reagoi pas debatit të ndezur në Kuvend ku kryetari i grupit parlamentar të PS-së, Taulant Balla, përdori gjuhë vulgare dhe denigruese ndaj deputetes Albana Vokshi.

Mediu e cilësoi incidentin si fyerje ndaj një zonje dhe nëne shqiptare, duke theksuar se qëllimi i këtij denigrimi ishte të largonte vëmendjen nga çështjet e krimit dhe korrupsionit:

“Turp, ky nuk është fund i parlamentarizmit, por është fund i sjelljes njerëzore. Balla nuk ka fyer dhe dhunuar thjeshtë vetëm një deputete të opozitës, por një zonjë dhe nënë. Nënat dhe zonjat shqiptare.
Të shash dhe të fyesh një zonjë ke sharë dhe fyer nënën tënde, motrën dhe vajzën tënde.
I kërkoj Kryetarit të Kuvendit dhe gjithë deputetëve ta vendosin vehten në vend të zonjës Vokshi, të shkojnë dhe të pyesin familjarët e tyre se si do ndiheshin në një rast të tillë për të kuptuar sa e rëndë është dhe sa poshtë ka rënë ky parlament.
Denigrimi i parlamentit në këtë nivel nuk ndodh as në një vend të botës së tretë dhe jo më në një vend anëtar i NATOs që do ti bashkohet BE.”

Reagimi i Mediut pasqyron shqetësimin për degradimin e debatit parlamentar dhe mungesën e respektit ndaj grave në institucionet politike.