Presidenti francez, Emmanuel Macron, gjatë takimit trepalësh me kryeministrin grek, Kyriakos Mitsotakis, dhe Nikos Christodoulides, bëri të qartë angazhimin e Parisit për sigurinë në rajon. Nga baza ushtarake “Andreas Papandreu”, Macron deklaroi se Franca do të dërgojë një forcë thjesht mbrojtëse për të mbrojtur lundrimin në Ngushticën e Hormuzit dhe për të shoqëruar anijet cisternë dhe tregtare.

“Kur dikush sulmon Qipron, sulmon të gjithë Evropën,” theksoi Macron, duke nënvizuar se siguria e Qipros është një çështje që shqetëson gjithë Parisin. Ai gjithashtu shprehu solidaritetin me vendin për shkak të sulmeve dhe raketave, duke bërë të ditur se Franca ka dërguar sistemin e mbrojtjes ajrore Mistral dhe një fregatë në rajon.

Presidenti francez shtoi se prania e Francës është thelbësore për ekonomitë e vendeve dhe ekonominë globale, duke theksuar se siguria e evropianëve është një interes i përbashkët. Ai konfirmoi se forcat franceze do të vazhdojnë të jenë aktive në Mesdhe, Detin e Kuq dhe Ngushticën e Hormuzit.