Një aksident i rëndë është regjistruar pasditen e sotme në aksin rrugor dytësor Berat–Roshnik, në fshatin Duhanas, ku një person ka humbur jetën.

Sipas informacionit paraprak, rreth orës 18:30, shtetasi S. R., 40 vjeç, banues në Duhanas, teksa drejtonte motomjetin dyshohet se ka humbur kontrollin e mjetit dhe ka dalë nga rruga, duke përfunduar në një kanal kullues pranë saj.

Si pasojë e përplasjes së fortë, 40-vjeçari ka pësuar dëmtime të rënda, të cilave nuk u ka mbijetuar.

Ndërkohë, grupi hetimor ndodhet në vendngjarje dhe po punon për sqarimin e plotë të rrethanave të aksidentit.