Tre degë të Partisë Demokratike në Qarkun e Beratit – Berat, Skrapar dhe Dimal – kanë zgjedhur drejtuesit e rinj përmes procesit “një anëtar, një votë”, duke shënuar një pjesëmarrje të lartë dhe një proces demokratik.

Deputeti dhe delegati politik i PD-së për këtë qark, Eno Bozdo, falënderoi të gjithë demokratët që morën pjesë dhe përgëzoi fituesit: Kasion Hasimetaj, Kozeta Protoduarin dhe Besnik Osmenin. Ai gjithashtu vlerësoi garuesit e tjerë për një konkurencë “shumë dinjitoze”.

Bozdo nënvizoi rëndësinë e forcimit të strukturave të partisë dhe të takimeve më të shpeshta me banorët, si dhe nevojën për një aksion politik të fortë kundër propagandës së partisë tjetër në pushtet. Ai theksoi se PD është forca e vetme që mund të “normalizojë vendin përmes qeverisjes së saj” dhe se koha e mashtruesve ka marrë fund, duke nxitur përkushtim për një Shqipëri të orientuar drejt standardeve evropiane.