Presidenti iranian, Masoud Pezeshkian, përmes një postimi në “X”, ka sulmuar kundërshtarët e vendit të tij, duke i akuzuar se jetojnë në iluzione përsa i përket mundësisë për të shkatërruar Iranin, ndërsa operacionet ushtarake në Lindjen e Mesme vazhdojnë.

Pezeshkian theksoi se asnjë forcë nuk ka arritur kurrë të fshijë emrin historik të Iranit, duke e cilësuar vendin trashëgimtar të një qytetërimi të paktën 6,000 vjeçar. “Agresorët kanë ardhur e kanë ikur, Irani ka duruar,” shkruan ai, duke nënvizuar që ata që besojnë në shkatërrimin e vendit nuk njohin historinë e tij.

Deklarata vjen në një kohë kur tensionet në Lindjen e Mesme mbeten të larta dhe roli i Iranit në rajon vijon të jetë i debatueshëm ndërkombëtarisht.