Ka nisur seanca plenare në Kuvendin e Shqipërisë, ku pritet të votohet për kërkesën e Prokurorisë së Posaçme (SPAK) për heqjen e imunitetit të deputetes socialiste Belinda Balluku. Sipas zhvillimeve parlamentare, mazhoranca pritet ta rrëzojë këtë kërkesë.

Që në nisje të seancës, deputetët e Partisë Demokratike janë paraqitur në sallë me pankarta proteste, të cilat i kanë vendosur mbi tavolinat e tyre. Në pankarta lexohej mesazhi: “Dorëheqje, o derëzinj!”, duke shprehur kundërshtimin ndaj qëndrimit të mazhorancës për çështjen e imunitetit.

Ndërkohë, paralelisht me zhvillimet në sallën e Kuvendit, jashtë godinës po zhvillohet një protestë e thirrur nga opozita. Qytetarë dhe mbështetës të saj janë mbledhur para Parlamentit për të kundërshtuar vendimin që pritet të merret në lidhje me kërkesën e SPAK.