Pas thirrjes së presidentit Donald Trump që disa vende të dërgojnë anije luftarake në Ngushticën e Hormuzit, Kina ka njoftuar se do të angazhohet për uljen e tensioneve në rajon.

Në një deklaratë të ambasadës kineze në Uashington, e cituar nga CNN, një zëdhënës tha: “Të gjitha palët kanë përgjegjësi për të garantuar furnizim të qëndrueshëm me energji. Kina, si mik i sinqertë dhe partner strategjik i vendeve të Lindjes së Mesme, do të intensifikojë komunikimet me palët e përfshira dhe do të luajë rol konstruktiv për uljen e tensioneve dhe rikthimin e paqes.”

Deklarata vjen ndërsa tensionet mbi trafikun detar dhe sigurinë e furnizimit me naftë po rriten në rajon.