Babai i Selin Bollatit, Toni Bollati, ka folur përmes një lidhjeje telefonike në “Fan Club”, duke komentuar momentet më të forta të vajzës së tij në “Big Brother VIP 5” dhe marrëdhënien me Gimbon, me të cilin realizoi ceremoninë tradicionale brenda shtëpisë.

Ai hodhi poshtë akuzat e Rogert Sterkaj dhe theksoi se nuk pendohen për fjalët e forta ndaj Armir Shahinit:

“Jam aq i lumtur me ardhjen në shtëpinë tonë të Gretës sa nuk mund t’a përshkruaj me fjalë. Jam po aq i lumtur me zgjedhjen e vajzës sime për Gimbon sa nuk mund ta përshkruaj me fjalë.”

Madje, Toni premtoi një surprizë të madhe nëse vajza e tij dhe Brikena nuk do të eliminohen në televotimin e ardhshëm:

“Nëse Gimbo nuk skualifikohet nga loja, unë ju betohem dhe ju jap fjalën që do t’i hip avionit dhe do t’u bëj prapë një dasmë të madhe aty brenda në Big Brother.”

Deklaratat e tij vënë në pah mbështetjen e pakushtëzuar për vajzën dhe emocionin e familjes për vendimet që ajo ka marrë brenda shtëpisë më të famshme të Shqipërisë.