Kryetari i Partisë Demokratike, Prof. Dr. Sali Berisha, mori pjesë mbrëmjen e së hënës në iftarin e organizuar nga Bashkia e Kavajës me besimtarët e qytetit. Ai u shoqërua nga bashkëshortja e tij, Liri Berisha, dhe u prit nga kryetari i Bashkisë, z. Fisnik Qosja.
Gjatë fjalës së tij, Berisha uroi të gjithë besimtarët myslimanë me rastin e Natës së Kadrit, duke theksuar rëndësinë shpirtërore dhe simbolikën e kësaj nate të bekuar, si dhe vlerat e solidaritetit, paqes dhe mirësisë në shoqëri.
Iftari i organizuar përkoi me Natën e Kadrit, një nga netët më të rëndësishme të muajit të shenjtë të Ramazanit, që për besimtarët përfaqëson një moment reflektimi, lutjeje dhe shprese.
