Këngëtarja Zanfina Ismaili ka reaguar pas paralajmërimit për padi nga pronari i kompanisë ONIMA, Erkand Shabani, duke publikuar një emoji në rrjetet sociale për të shprehur qëndrimin e saj.
Pak ditë më parë, ajo kishte dalë në mbrojtje të artistit Gjesti, duke theksuar se kishte bashkëpunuar me të dhe se pronari i kompanisë nuk ka vepruar korrekt. Reagimi i saj konsiderohet si një shenjë përkrahjeje për artistin, në një kohë kur tensionet midis kompanisë dhe artistëve janë shtuar dukshëm.
Nga ana tjetër, Shabani ka paralajmëruar publikimin e provave dhe videove nga momenti i incidentit në zyrat e ONIMA, duke theksuar se situata ka pasoja ligjore. Ndërkohë, Gjesti ndodhet në paraburgim prej 30 ditësh, vendim i marrë nga Gjykata Themelore në Prishtinë.
Ngjarja ka nxitur gjithashtu reagime edhe nga artistë të tjerë të përmendur në konflikt, përfshirë G Bani dhe Xheneta Fetahu.
