Xhulio, vëllai i banorit të “Big Brother VIP 5”, Rogerti, ka reaguar sot përmes një lidhjeje direkte me emisionin “Shqipëria Live” lidhur me deklaratat e babait të Selinës në “Fan Club”.

Ai u shpreh se do të ishte më mirë që babai i Selinës të fliste privatisht me familjen, sesa të jepte deklarata publike që mund të keqkuptohen:

“Do ishte mirë të fliste privatisht, jo në televizor. Rrugët i ka të hapura, por ne nuk duam konflikt. Mund ta marrë babain në telefon kur të dojë dhe të flasin, të bien dakord. Më mirë të qetësohen, aty brenda ndodhin edhe gjëra të bukura, qeshin me njëri-tjetrin, bëjnë edhe shaka.”

Xhulio shtoi se Rogerti po luan lojën e vet si të tjerët dhe se duhet të lihen jashtë tensionet e panevojshme:

“Ne e ndjekim Rogertin, duhet më mirë të qetësohemi dhe t’i lëmë gjërat nga jashtë, se nuk ia vlejnë. Edhe Rogertit ia kanë përmendur djalin dhe duhet t’u vijë turp, por është loja e tyre.”

Reagimi i tij duket si një përpjekje për të shuar tensionet dhe për të mbajtur situatën brenda sferës së lojës, duke shmangur konfliktet familjare publike.