Mëngjesin e sotëm, një aksident rrugor me pasoja të rënda për një person është regjistruar në bypass-in e autostradës në Lushnjë. Sipas informacioneve paraprake, një automjet tip “Benz” përplasi një 45-vjeçar që po kalonte rrugën, pasi kishte kaluar barrierën anësore mbrojtëse.

Pavarësisht përpjekjeve të drejtuesit të mjetit për të shmangur përplasjen, aksidenti nuk mund të evitohej. Si pasojë, i riu ka pësuar dëmtime të rënda në të dyja këmbët dhe është transportuar me urgjencë në Spitalin e Lushnjës, ku po merr trajtim mjekësor.

Drejtuesi i automjetit është shoqëruar në polici, ndërsa grupi hetimor po punon për të zbardhur rrethanat e aksidentit dhe shkaqet që çuan në këtë ngjarje.