Stuhia e fuqishme “Teresa” ka përfshirë Ishujt Kanarie në Spanjë, duke sjellë reshje intensive, erëra të forta dhe borë në zonat malore të Tenerife, përfshirë malin Teide.

Përmbytjet, rrëshqitjet e tokës dhe dallgët deri në 6 metra kanë shkaktuar dëme të mëdha dhe kanë paralizuar transportin në disa zona.

Situata është reflektuar edhe në trafikun ajror, ku disa fluturime janë anuluar ose devijuar, duke lënë mijëra pasagjerë të bllokuar.

Agjencia meteorologjike AEMET paralajmëron se në disa zona mund të bien mbi 100 mm reshje brenda 12 orësh, një sasi që barazohet me reshjet e një viti.

Autoritetet lokale kanë aktivizuar planin e emergjencës në Tenerife, duke mbyllur rrugë, shtigje dhe Parkun Kombëtar Teide National Park. Banorëve dhe turistëve u bëhet thirrje të shmangin lëvizjet e panevojshme dhe të ndjekin udhëzimet e sigurisë.

Ndërkohë, kushtet e detit mbeten të rrezikshme, me erëra që arrijnë deri në 90 km/h dhe reshje që pritet të vazhdojnë edhe në ditët në vijim, duke rritur shqetësimet për sigurinë, sidomos të turistëve.