I ftuar në “Goca dhe Gra” këtë të premte, Dj Gimbo, i cili u eliminua nga “Big Brother VIP”, foli hapur për marrëdhënien e tij me Selin, lidhje që ka qenë e dukshme edhe gjatë qëndrimit të tij në shtëpi dhe vazhdon edhe jashtë lojës.

Gimbo rrëfeu se e ka pëlqyer Selinën para se të hynte në Big Brother dhe se tani ndihet si “peshku pa ujë” pa praninë e saj:

“Që jashtë e kam pëlqyer. Kam ardhur që jashtë me pëlqim dhe ja shpreha. Fizikisht i ka sytë e bukur dhe floktë e bardha. Është shumë femër, trupin e ka si balerinë. Pa Selin, ndihem si peshku pa ujë. Jam mësuar të zgjohem me Selin, tani zgjohem me Gjestin.”

Ai tregoi gjithashtu se Selin i ka kërkuar së fundmi të postojë një foto me unazë në Instagram, dhe Gimbo e plotësoi dëshirën “live” në emision. Dj Gimbo zbuloi gjithashtu se është takuar me familjen e Selinës, duke treguar seriozitetin e lidhjes së tyre jashtë shtëpisë së Big Brother.