Pogradec – Një aksident rrugor është regjistruar pasditen e sotme në unazën e qytetit, ku janë përfshirë një automjet dhe një motomjet.

Sipas informacioneve paraprake, ngjarja ka ndodhur rreth orës 16:20, kur automjeti me drejtues shtetasin R. Z. është përplasur me motomjetin që drejtohej nga shtetasi E. Sh.

Si pasojë e përplasjes, janë dëmtuar drejtuesi i motomjetit dhe bashkëshortja e tij, e cila udhëtonte si pasagjere. Të dy të lënduarit janë transportuar në spital, ku po marrin ndihmën mjekësore.

Ndërkohë, ndaj drejtuesit të automjetit po kryhen veprimet procedurale përkatëse. Grupi hetimor ndodhet në vendngjarje dhe po punon për të zbardhur rrethanat dhe shkaqet e aksidentit.