Çështja e furnizimit me ujë nga burimet e Izvorit në Tragjas ka arritur në një pikë vendimtare, duke përfshirë drejtpërdrejt qeverinë.

Burime nga qeveria bëjnë me dije se kryeministri Edi Rama i ka kërkuar kryetares së bashkisë së Vlorës, Bruna Mersini, të ndërhyjë për të bindur banorët, me qëllim realizimin e projektit për marrjen e ujit nga këto burime.

Sipas informacioneve, fokusi tashmë është i përqendruar tek Tragjasi, ndërsa komuniteti lokal mbetet i ndarë dhe në pritje të zhvillimeve.

“Është thelbësore që brenda javës të gjendet një zgjidhje praktike për këtë çështje,” citon burimi një porosi të kryeministrit drejtuar kryetares së bashkisë.

Megjithatë, mbetet për t’u parë nëse banorët do të pranojnë këtë nismë apo do të kundërshtojnë marrjen e ujit nga burimet e tyre, duke ndikuar drejtpërdrejt në ecurinë e projektit.