Komisioni i Disiplinës dhe Etikës i Federatës Shqiptare të Futbollit vendosi ndalimin e hyrjes në stadium për 16 persona, pas akteve të dhunës gjatë ndeshjeve Tirana – Elbasani dhe Vllaznia – Elbasani.
Vendimi u mor pas shqyrtimit të relacionit të Sekretariatit Teknik dhe koordinimit me Drejtoritë Vendore të Policisë në Tiranë dhe Shkodër, duke konstatuar shkelje të ligjit nr.79/2017 “Për Sportin”, neni 48 e vijues.
Për ndeshjen Tirana – Elbasani (8 mars 2026, ora 15:00, stadiumi “Selman Stermasi”), personat e ndaluar janë: Petros Alfred Ballabani, Sadi Eduart Notolli, Amar Agim Loci, Indrit Gëzim Skëndi, Klei Qani Mema, Fabio Ardian Elezi, Noel Sokol Klaiqi, Ilirian Kristo Meraj, Malvin Alban Sharra dhe Xhensi Kolë Gjinaj.
Për ndeshjen Vllaznia – Elbasani (15 shkurt 2026, ora 19:30, stadiumi “Loro Boriçi”), ndalimi i hyrit vlen për: Serxhio Ardian Miloti, Kristo Halit Krraba, Juljan Qamil Pllumbi, Enaldo Përparim Selami, Elios Ermir Qosja dhe Denis Shkëlqim Deliu.
Ndalimi është i pakufizuar dhe të gjithë administratorët e stadiumeve janë të udhëzuar ta zbatojnë atë, ndërsa një kopje e vendimit do t’i dërgohet edhe Policisë së Shtetit për ekzekutim.
