Një ngjarje e rëndë ka ndodhur në Bolonjë, ku një djalë 12-vjeçar me origjinë shqiptare, Louis Pisha, humbi jetën pasi ra nga kati i tetë i një pallati në Via Piave.

Sipas policisë së komisariatit Santa Viola, viktima ndodhej në tarracën e një godine bashkë me dy shokët e tij, kur hipi mbi një dritare plastike transparente në çati, e cila u thye papritur nën peshën e tij. Shokët u përpoqën ta mbajnë, por pa sukses, dhe ai ra duke humbur jetën në vend.

Shërbimet e emergjencës 118, policia dhe zjarrfikësit mbërritën menjëherë, por përpjekjet për ta shpëtuar djalin nuk dhanë rezultat. Prindërit dhe të afërmit mbërritën pak më vonë, duke u përballur me skena të dhimbshme dhe tronditëse.

Ngjarja ka tronditur komunitetin, ndërsa hetimet për rrethanat e aksidentit vijojnë.