Drejtoria e Ujësjellës-Kanalizimeve Vlorë njofton se ditën e martë, më 7 prill, disa lagje të qytetit do të mbeten pa ujë për shkak të punimeve për projektin e ujësjellësit të ri të qytetit.

Ndërprerja e furnizimit do të prekë zonat: “Uji i Ftohtë”, “Lungomare”, “10 Korriku”, “Kalaja” dhe “Jonufra”. Pjesa tjetër e qytetit do të mbetet pa ujë vetëm gjatë orarit të pasdites, ndërsa furnizimi do të rifillojë normalisht gjatë mëngjesit të së mërkurës.

Drejtoria apelon për mirëkuptim nga qytetarët dhe bizneset, duke sqaruar se ndërprerja është e detyrueshme për lidhjen e nyjeve të rrjetit të ri me rrjetin ekzistues.