Një 26-vjeçar është arrestuar në Tiranë pasi theu masën e sigurisë “arrest në shtëpi” dhe dyshohet se ka kryer një sërë vjedhjesh gjatë muajit prill 2026.

Sipas hetimeve, i riu ka vjedhur shuma parash dhe produkte në katër subjekte të ndryshme, ndërsa ka tentuar të kryejë vjedhje edhe në një banesë dhe në një tjetër biznes.

Nga verifikimet rezultoi se shtetasi me iniciale A. H. ishte në masë sigurie “arrest në shtëpi” për veprën penale “Dhuna në familje”, të cilën e kishte shkelur.

Policia bën me dije se hetimet vijojnë për të dokumentuar vjedhje të tjera të mundshme që mund të ketë kryer i arrestuari, ndërsa materialet procedurale i janë referuar Prokurorisë së Tiranës për veprime të mëtejshme.