Një 28-vjeçar shqiptar, Enri Hardolli, është arrestuar nga autoritetet spanjolle në Barcelonë, pasi ishte shpallur në kërkim nga drejtësia italiane për trafik kokaine.

Sipas mediave ndërkombëtare, Hardolli ishte furnizuesi kryesor i një rrjeti të madh shpërndarjeje droge në zonën e Alta Padovana, ku hetimet nisën pas sekuestrimit të katër tonëve kokaine në vitin 2022.

Karabinierët zbuluan se ai kishte bashkëpunuar me disa italianë, përfshirë një arkitekte dhe bashkëshortin e saj, që shpërndanin drogën tek klientë të ndryshëm.

Falë urdhërit të arrestit evropian, Guardia Civil e kapën Hardollin, i cili aktualisht ndodhet në burgun e Montorio Veronese, duke pritur ekstradimin drejt Italisë. Hetuesit e cilësojnë arrestimin si një sukses të madh në luftën kundër trafikut ndërkombëtar të drogës.