DJ Geek dhe partnerja e tij, Olsa Berani, kanë zgjedhur Maldivet si destinacionin e tyre për disa ditë pushimi larg rutinës së përditshme.

Çifti po shijon atmosferën tropikale mes plazheve me rërë të bardhë dhe ujërave kristal të Oqeanit Indian, duke ndarë me ndjekësit momente nga kjo arratisje luksoze përmes rrjeteve sociale.

Fotot dhe videot e publikuara tregojnë një afërsi të dukshme mes tyre, duke konfirmuar publikisht lidhjen që për një kohë ishte mbajtur larg vëmendjes mediatike. Që prej momentit kur identiteti i Olsa Beranit u bë i njohur, dyshja është shfaqur gjithnjë e më shpesh së bashku, duke ndarë momente romantike me publikun.

Pushimet në Maldive duken si një tjetër kapitull i rëndësishëm në marrëdhënien e tyre, ku relaksi, natyra dhe koha cilësore bashkohen në mënyrë perfekte.

Me postimet e fundit, ata kanë tërhequr vëmendje të madhe në rrjet, duke e kthyer këtë udhëtim në një nga më të komentuarit e ditëve të fundit.