Kryeministri Edi Rama deklaroi gjatë Asamblesë së Partisë Socialiste në Durrës se Shqipëria ndodhet në një moment të rëndësishëm për procesin e integrimit në Bashkimin Evropian dhe se kjo mundësi duhet shfrytëzuar pa humbur kohë.

Ai u shpreh se vendi duhet të bëjë përpjekje maksimale për të mos e humbur këtë mundësi, duke e konsideruar periudhën aktuale si vendimtare për të ardhmen europiane të Shqipërisë.

Rama e lidhi këtë proces edhe me zgjedhjet e ardhshme, të cilat i cilësoi me rëndësi politike përtej nivelit vendor, duke theksuar se Partia Socialiste duhet të konfirmohet si forcë udhëheqëse.

Sipas tij, rruga drejt BE-së kërkon angazhim të vazhdueshëm dhe përmbushje të detyrimeve, ndërsa e përshkroi momentin aktual si një “derë të hapur” që nuk duhet humbur.