E ftuar në emisionin Live From Tirana me Ronaldo Sharka, ish-banorja e Big Brother VIP Albania, Ina Aderi, ka folur për herë të parë rreth marrëdhënies së saj me Keijsi.
Deklarata vjen pas komenteve të fundit të Keijsit në Big Brother Radio, ku ai u shpreh se mes tyre nuk ka më një lidhje, duke ngritur pikëpyetje të shumta tek publiku.
Megjithatë, një video e shpërndarë së fundmi, ku ai shihej pranë Inës në studion e Big Brother Fan Club, riktheu dyshimet se raporti mes tyre mund të jetë më shumë sesa thjesht miqësor.
Duke komentuar situatën, Ina zgjodhi një qasje më të rezervuar, pa e konfirmuar apo mohuar drejtpërdrejt ndarjen, por duke theksuar respektin dhe mirënjohjen ndaj tij:
“Mund t’ia kem thënë, mund të jetë nënkuptuar, por mund ta them prapë… Është vetëm një faleminderit shumë e madhe për çdo grimcë fryme, energjie, mbështetje, dashurie që ka bërë për mua brenda dhe jashtë programit.”
Deklarata e saj ka lënë hapur interpretimin për statusin aktual të marrëdhënies, duke shtuar edhe më shumë interesin e publikut.
